Мартынович Ҳаверц билан майдондаги кулгили суҳбатни эслади
«Қайрат» ҳимоячиси Александр Мартынович Чемпионлар лигасидаги «Арсенал»га қарши баҳсдан кейин лондонликлар футболчиси Кайо Ҳаверц билан бўлган қизиқарли мулоқот ҳақида гапириб берди. Немис яримҳимоячисига Мартыновичнинг чеҳраси жуда таниш туюлган. Бу ҳақда euro-football.ru хабар беради.
Мартыновичнинг айтишича, Ҳаверц: «Нимадир, юзинг менга жуда таниш», деган. Бунга жавобан Александр аввалроқ «Байер»га қарши ўйинларни эслатиб, ўша пайтда рақибни енгиб ўтишганини айтган. Шунингдек, Ҳаверц «Челси» сафида тўп сурган даврда ҳам улар бир неча бор рўбарў келишганини таъкидлаган.
Футболчи коллекциясида Ҳаверцнинг ўйин футболкаси ҳам борлигини қўшимча қилди. Мартынович аввалроқ Россия чемпионатида «Краснодар», «Урал» ва «Рубин» клубларида ҳам тўп сурган.
Эслатиб ўтамиз, «Арсенал» ва «Қайрат» январ охирида Чемпионлар лигаси умумий босқичининг сўнгги турида учрашган. Лондонда бўлиб ўтган ўйинда мезбонлар 3:2 ҳисобида ғалаба қозонган.