«Бока Хуниорс» Марсело Делгадони спорт директори этиб тайинлади
Аргентина гранди «Бока Хуниорс» клубида спорт директори лавозимига янги ном тайинланди — ушбу вазифани Марсело Делгадо бажаради. Клуб маълумотига кўра, у жамоа президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
«Бока Хуниорс» таркибни тез фурсатда кучайтиришга муҳтож, шу сабаб Делгадо ва Рикелме трансферлар ҳамда жамоани янгилаш бўйича муҳим қарорлар устида ишлаши кутилмоқда.
Делгадо футболчи сифатида ҳам катта тажрибага эга: у Аргентина терма жамоасида 1995–2002 йилларда 18 та ўйин ўтказган ва 1998 йилги Жаҳон чемпионатида ҳам иштирок этган.
Шунингдек, у 2003 йилда Либертадорес кубоги тўпурари бўлган — бу натижани «Сантос» ҳужумчиси, бразилиялик Рикардо Оливейра билан бирга қайд этган.