Мартинес Роналду қачон фаолиятини якунлашини айтди

Португалия терма жамоаси бош мураббийи Роберто Мартинес Криштиану Роналду қачон футболчилик фаолиятини тугатиши мумкинлиги ҳақидаги саволга муносабат билдирди. Бу ҳақда euro-football.ru хабар беради.

Эслатиб ўтамиз, февраль ойининг бошида Роналду 41 ёшни қарши олди. Мартинеснинг таъкидлашича, ҳужумчининг жисмоний кўрсаткичлари ҳали узоқ вақт юқори даражада ўйнашга етади.

«Унинг физик ҳолати яна ва яна ўйнашига имкон беради. Менимча, масала у қачон ўзи тўғри пайт келганини ҳис қилишида. Роналду жуда ўзига талабчан футболчи. Қачонки жамоага фойдаси тегмаётганини англаб етса, шунда тўхташ ҳақида қарор қилади», — деди Мартинес BBCга берган интервьюсида.

Клуб миқёсида Роналду Саудия Арабистонининг «Ал-Наср» жамоаси шарафини ҳимоя қилмоқда. Хабарларга кўра, юлдуз футболчи шанба куни жамоа таркибига қайтиши кутилмоқда.

Роналду сўнгги ўйинларнинг бир нечтасини ўтказиб юборди: у клуб бошқарувидаги қарорлардан норози эканини шу тариқа билдиргани айтилаётган. «Ал-Фатеҳ» — «Ал-Наср» учрашувини LiveResult сайти матнли трансляция орқали ёритади.