Мартинович Ҳавертс билан ўйиндан кейин кулгили суҳбатни эслади
«Қайрат» ҳимоячиси Александр Мартинович Чемпионлар лигасидаги сўнгги учрашувдан кейин «Арсенал» футболчиси Кай Ҳавертс билан бўлган қизиқарли мулоқот ҳақида гапирди. Унинг айтишича, Ҳавертс Мартиновичнинг юзини қаердандир танийотгандек бўлган. Бу ҳақда euro-football.ru хабар беради.
Мартиновичнинг сўзларига кўра, «Арсенал» футболчиси: «Негадир юзинг менга жуда таниш», деган. Шунда Александр аввалроқ «Байер»га қарши ўйинларда устун келишганини, кейин эса Ҳавертс «Челси»да тўп сурган пайтда ҳам рақиб сифатида бир неча бор тўқнаш келишганини эслатган.
Футболчи, шунингдек, шахсий коллекциясида Ҳавертснинг ўйин футболкаси ҳам борлигини таъкидлади. Мартинович аввал Россия чемпионатида ҳам ўйнаб, «Краснодар», «Урал» ва «Рубин» жамоаларида тўп сурган.
Эслатиб ўтамиз, «Арсенал» ва «Қайрат» январь охирида Чемпионлар лигаси умумий босқичининг сўнгги турида учрашган. Лондондаги баҳсда мезбонлар 3:2 ҳисобида ғалаба қозонган.