Гарри Кейн Левандовски рекордини янгилаш ҳақида гапирди
Мюнхеннинг «Бавария» клуби ҳужумчиси Гарри Кейн Бундеслиганинг шанба кунги ўйинида «Вердер»га қарши баҳсда (3:0) дубл қайд этди. Англиялик форвард 22-дақиқада пеналтани аниқ ижро этди, 25-дақиқада эса ўйиндан гол урди. Бу ҳақда euro-football.ru хабар беради.
32 ёшли футболчи Бундеслиганинг жорий мавсумида, якунга 12 тур қолган пайтда, 26 та гол билан ҳисобини тўлдириб улгурди. ОАВ вакиллари Кейндaн Роберт Левандовскининг бир мавсумдаги 41 та гол рекордини янгилаш имконияти борми, деб сўрашди.
«Ҳамма нарса бўлиши мумкин, лекин ҳозирча бунга анча узоқман. Бу рекорд — жуда ажойиб. Ҳозир формам яхши, жамоага ёрдам бераётганимдан хурсандман. Апрелда қай ҳолатда бўлишимни кўрамиз, шундан кейин рекорд ҳақида ўйлайман. Ҳозир эса кейинги ўйинга эътибор қаратиш керак», — дея Кейннинг сўзларини Bayern & Germany келтирди.
«Вердер» дарвозасига урилган иккинчи гол Кейн учун профессионал фаолиятидаги 500-гол бўлди.