Гарри Кейн Левандовски рекордини янгилаш имконини баҳолади
Мюнхеннинг «Бавария» клуби ҳужумчиси Гарри Кейн Бундеслиганинг шанба кунги учрашувида «Вердер» дарвозасига икки бор гол уриб, жамоасининг 3:0 ҳисобидаги ғалабасига катта ҳисса қўшди. Англиялик форвард 22-дақиқада пенальтини аниқ амалга оширди, 25-дақиқада эса ўйиндан гол урди. Бу ҳақда euro-football.ru хабар беради.
32 ёшли футболчи Германия чемпионатининг жорий мавсумида 12 тур қолган бир пайтда 26 та гол билан тўпурарлар пойгасида етакчилик қилмоқда. Ўйиндан сўнг журналистлар ундан Роберт Левандовскининг Бундеслигадаги 41 голлик рекордига етиб бориш имконияти ҳақида сўрашди.
«Ҳаммаси бўлиши мумкин, аммо ҳозирча бу натижадан анча узоқдаман. Бу рекорд — ақлбовар қилмас даражада. Ҳозир формам яхши, жамоага фойдам тегаётганидан хурсандман. Апрел ойида қандай ҳолатда бўлишимни кўрамиз, шундан кейин рекорд ҳақида ўйлайман. Ҳозир эса кейинги ўйинга эътибор қаратиш керак», — дея Кейннинг сўзларини келтиради Bayern & Germany.
«Вердер»га урилган иккинчи гол эса Кейн учун фаолиятидаги 500-гол бўлди.