Арбелоа Мбаппени майдонга туширмаслик сабабини айтди
Мадриднинг «Реал» жамоаси бош мураббийи Алваро Арбелоа Ла Лигада «Реал Сосйедад»га қарши шанба кунги учрашувда Килиан Мбаппени майдонга туширмагани бўйича фикр билдирди. Пойтахт клуби 4:1 ҳисобида ғалаба қозонган бўлса-да, жамоанинг энг сермаҳсул ҳужумчиси ўйинни захира ўриндиғидан кузатди ва алмаштириш орқали ҳам майдонга чиқмади. Бу ҳақда euro-football.ru хабар беради.
Арбелоанинг таъкидлашича, Мбаппенинг ҳолати яхши. Мураббий «у сешанба куни «Бенфика»га қарши баҳсда асосий таркибда майдонга тушишга тайёр бўлади, бугун эса соғлиғини хавф остига қўйишни истамадик», деди.
«Қироллик клуби»нинг «Бенфика» билан навбатдаги учрашуви Лиссабонда Чемпионлар лигаси плей-офф саралаш босқичи доирасида бўлиб ўтади. Жавоб ўйини 25-февраль куни «Сантяго Бернабеу» стадионида ўтказилади.