Вальверде Арбелоа «Реал» футболчиларидан нимани талаб қилишини айтди
Ла Лига доирасидаги шанба кунги учрашувда Мадриднинг «Реал» клуби ўз майдонида «Реал Сосьедад»ни йирик ҳисобда мағлуб этди — 4:1. Бу ҳақда euro-football.ru хабар беради.
Мезбонлар ғалабасини Гонсало Гарсия ва Федерико Вальверденинг голлари, шунингдек, Винисиус Жуниорнинг дубли таъминлади. Бразилиялик ҳужумчи иккала голини ҳам пенальтидан урди.
Ўйиндан кейин Вальверде жамоанинг ҳаракатига алоҳида урғу берди: «Мураббий майдонда кўп ҳаракат қилишимизни сўрайди. Бугун эса ўзимни анча эркин ва қулай ҳис қилдим», — деди у.
Маълумот учун, Алваро Арбелоа мадридликлар бош мураббийи лавозимини бир ойдан сал кўпроқ вақт аввал эгаллаган. У ўша пайтда ишдан бўшатилган Хаби Алонсо ўрнини босган.
Ушбу ғалабадан кейин «Реал» турнир жадвалида «Барселона»ни икки очкога ортда қолдирди, бироқ каталонияликлар бу турдаги учрашувини ҳали ўтказмаган.