Мартынович Ҳавертс билан кулгили суҳбатини эслаб берди
«Қайрат» футболчиси Александр Мартынович Чемпионлар лигасидаги сўнгги ўйиндан кейин «Арсенал» ҳужумчиси Кайо Ҳавертс билан бўлган қизиқарли мулоқот ҳақида гапирди. Ҳавертсга Мартыновичнинг юзи нимагадир жуда таниш туюлган. Бу ҳақда euro-football.ru хабар беради.
Мартыновичнинг айтишича, Ҳавертс: «Нимадир сенинг юзинг менга жуда таниш», деган. Шунда Александр уларнинг йўллари аввалроқ ҳам кесишганини эслатиб, бир пайтлар «Байер»га қарши ўйнаб, ундан ўтишганини, кейин эса Ҳавертс «Челси» сафида бўлган даврда ҳам майдонда бир неча бор тўқнаш келишганини айтган.
Мартынович Ҳавертснинг ўйин футболкаси унинг коллекциясида борлигини ҳам қўшимча қилди. Шунингдек, Александр аввалроқ Россияда «Краснодар», «Урал» ва «Рубин» клубларида ҳам тўп сурган.
Эслатиб ўтамиз, «Арсенал» ва «Қайрат» январ охирида Чемпионлар лигаси умумий босқичининг сўнгги турида учрашган. Лондон клуби ўз майдонида 3:2 ҳисобида ғалаба қозонган.