Парма озчиликда қолган Веронани охирида таслим қилди
Италия А Сериясининг 25-турида Парма – Верона учрашувида эрта қизил карточка ўйин сценарийсини кескин ўзгартирди. Шунга қарамай, баҳс охиригача интрига сақланиб қолди. Бу ҳақда euro-football.ru хабар беради.
Ҳисоб 4-дақиқадаёқ очилди: Адриан Бернабе жарима майдони ташқарисидан аниқ зарба йўллаб, Пармани олдинга олиб чиқди — 1:0. 11-дақиқада эса Гифт Орбан Лаутаро Валентига тирсак билан зарба бергани учун майдондон четлатилди ва Верона қолган вақтни бир киши кам бўлиб ўтказди.
Меҳмонлар сон жиҳатдан кам бўлишига қарамай, пеналти эвазига жавоб қайтарди: Киерон Боуи ишлаган 11 метрлик жаримани Абду Арруи совуққонлик билан амалга ошириб, дарвозабонни алдеди — 1:1.
Иккинчи бўлимда Парма босимни кучайтирди: Якоб Ондрейканинг зарбаси бироз ноаниқ кетди, Габриyel Стрефессанинг узоқдан йўллаган тўпи эса тўсин билан тўхтади. Матео Пеллегрино бош билан хавфли зарба берди, аммо тўп устун ёнидан ўтиб кетди.
Ғалаба голи фақат қўшимча дақиқаларда келди: Ҳанс Николусси Кавилиянинг узатмасидан сўнг Пеллегрино бош билан аниқ якунлаб, Пармага 2:1 ҳисобидаги муҳим уч очкони тақдим этди.
Ушбу натижадан кейин Парма турнир жадвалида 12-ўринга кўтарилди, Верона эса сўнгги поғонани рақиблари билан бўлишиб турибди.