Лига 1нинг 22-турида Лорян ва Осер ғалаба қозонди
Франция Лига 1нинг 22-туридан яна икки учрашув якунланди. Бу оқшом Лорян ҳам, Осер ҳам ўз баҳсларида уч очко қўлга киритди. Бу ҳақда euro-football.ru хабар беради.
Лорян ўз майдонида Анжени 2:0 ҳисобида мағлуб этди. Мезбонлар ҳар икки бўлим бошида биттадан гол урди: 9-дақиқада Пабло Пажис ҳисобни очган бўлса, 58-дақиқада Жан-Виктор Макенго якуний натижани белгилади.
Осер эса Метс меҳмони бўлиб, ўйин давомида устунликни босқичма-босқич ошириб борди ва 3:1 ҳисобида ғалаба қозонди. 4-дақиқадаги автоголдан сўнг, учрашув охирларида Лассин Синайоко (76) ва Кевин Дануа (89) фарқни йириклаштирди. Метс сафида эса 90-дақиқада Натан Мбала тасалли голини урди.