Романо Миланнинг Барселона ҳимоячисига қизиқишини тасдиқлади
Барселонанинг чап қанот ҳимоячиси Жерар Мартин Миланнинг трансфер рўйхатидан жой олди. Сўнгги кунларда 23 ёшли футболчига «россонери» қизиқayotgani ҳақида хабарлар тарқалган эди, энди бу маълумотни инсайдерлар Фабритсио Романо ва Маттео Моретто ҳам тасдиқлади. Бу ҳақда euro-football.ru хабар беради.
Италия клуби испаниялик футболчини таркибга қўшиш масаласини жиддий кўриб чиқмоқда, бироқ уни олиб келиш осон бўлмаслиги таъкидланмоқда. Сабаби Барселона бош мураббийи Ҳанс-Дитер Флик Мартинни жамоа режаларида муҳим бўғин сифатида кўрмоқда.
Transfermarkt маълумотига кўра, Жерар Мартиннинг бозор қиймати 20 млн еврога баҳоланади. Футболчи ўтган йил январида каталонияликлар билан шартномасини 2027/28-йилги мавсум охиригача узайтирган.