Ҳайкин «Реал»га қарши ўйнашни кўпроқ хоҳлади
Норвегиянинг «Будё-Глимт» клубида тўп сураётган россиялик дарвозабон Никита Ҳайкин Чемпионлар лигаси плей-офф босқичи қуръаси ҳақида фикр билдирди. Унинг айтишича, рақиб сифатида Миланнинг «Интер»идан кўра Мадриднинг «Реал»и кўпроқ қизиқ бўлган. Бу ҳақда euro-football.ru хабар беради.
«Ростини айтсам, кўпроқ “Реал”га қарши ўйнагим келгандӣ. Ҳар куни “Сантьяго Бернабеу”да Мбаппе, Винисиус ва бошқаларга қарши майдонга тушмайсан, Куртуа билан рақобатлашмайсан», — дея Ҳайкиннинг сўзларини «Спорт-Экспресс» келтирди.
Чемпионлар лигасининг 1/8 финалига йўл олиш учун «Будё-Глимт» энди Милан «Интер»и билан баҳс олиб боради. Учрашувларнинг биринчиси 18 февраль куни Норвегияда, жавоб ўйини эса 24 февраль куни Италияда бўлиб ўтади.