Капелло Бастонининг ҳаракатини кескин қоралади ва симуляция деди
Италиялик таниқли мутахассис Фабио Капелло Турин «Ювентус»и ҳимоячиси Пер Калулюнинг Милан «Интер»ига қарши ўйинда (2:3) қизил карточка олган вазиятини муҳокама қилди. Бу ҳақда euro-football.ru хабар беради.
Капеллонинг фикрича, «Интер» футболчиси Алессандро Бастони ҳакамни чалғитиш учун симуляция қилган ва бу ҳолатни кўриш жуда ёқимсиз бўлган. Мутахассис Бастони Италия терма жамоаси футболчиси эканини эслатиб, бундай йўл тутмаслиги кераклигини таъкидлади.
Шунингдек, Капелло «Интер» бош мураббийи Кивунинг ўша эпизод бўйича айтган гапларидан ҳам норози бўлди: унда мураббий футболчисини оқлаётгандек таассурот пайдо бўлганини билдирди.
Ушбу ғалабадан сўнг «нерадзуррилар» А Серияда пешқадамликни янада мустаҳкамлади, «кекса синьора» эса турнир жадвалида бешинчи ўринда бормоқда.