Симеоне Облак танқидига муносабат билдирди ва жавоб қайтарди
Мадриднинг «Атлетико» жамоаси «Райо Валйекано»дан 0:3 ҳисобида енгилгандан сўнг, словения дарвозабони Ян Облак бош мураббий Дийего Симеоненинг ўйинга танлаган таркибини танқид қилганди. Облак мураббий бу учрашувни енгил ўйин деб баҳолаб, оптимал бўлмаган таркибни майдонга туширганини айтган. Бу ҳақда euro-football.ru хабар беради.
Орадан кўп ўтмай, аргентиналик мутахассис бу фикрларга жавоб берди. Симеоне жамоа рақиб танламаслигини таъкидлаб, мағлубиятнинг сабаби таркиб эмас, балки ўйиннинг сифатсиз ўтганида эканини айтди: «Мен у билан рози эмасман. Қайси ўйинда ўйнаш, қайсисида тўхташни танламаймиз. Биз шунчаки учрашувни ёмон ўтказдик. “Райо” биздан яхшироқ ўйнади», — дея Симеоне сўзларини келтиради derbyderbyderby.it.
Ҳозирда «Атлетико» Испания чемпионати турнир жадвалида учинчи ўринда бормоқда.