Бенатия «Марсел»да қолади, Бейе мураббийликка яқин турибди
«Марсел» эгаси Френк Маккорт жамоа қароргоҳига етиб келди. Клуб яқинда бош мураббий истеъфосидан кейин янги босқичга тайёргарлик кўрмоқда, дея хабар беради GFFN. Бу ҳақда euro-football.ru хабар беради.
Аввалроқ Роберто Де Зерби билан бирга спорт директори Меҳди Бенатия ҳам кетиш нияти борлигини билдирганди. У янги мураббий масаласида клуб президенти Пабло Лонгория билан келишолмагани айтилади. Бенатия эса «Ренн»дан бўшатилган Ҳабиб Бейе номзодини фаол қўллаб-қувватлаган.
Бенатиянинг клубни тарк этиши ҳақидаги гап-сўзлар чиққанидан сўнг, Бейе вариантига ҳам гўё нуқта қўйилгандек эди. Бироқ Маккорт спорт директорини қайтариб, унга кўпроқ ваколат берди ва шу билан бирга президентнинг айрим ваколатларини қисқартирди.
Эндиликда Ҳабиб Бейе «Марсел» билан музокаралар ўтказиши кутилмоқда ва у яқин вақт ичида жамоа бошқарувини қабул қилиб олиши мумкин.