Бастони «Ювентус»га қарши эпизодда реакциясини ошириб юборганини тан олди
«Интер» ҳимоячиси Алессандро Бастони А Серияда «Ювентус»га қарши ўйинда ўз ҳаракати билан хато қилганини тан олди. Учрашувнинг 42-дақиқасида Бастони билан бўлган контактдан сўнг Пьер Кальюлю иккинчи сариқ карточкасини олиб, майдонни тарк этди. Бу ҳақда euro-football.ru хабар беради.
Эпизоддан кейин Бастони ҳиссиётларини яширмади ва бу кўплаб мухлислар ҳамда маҳаллий ОАВ орасида кескин норозилик уйғотди. Ҳатто айримлар футболчини терма жамоа рўйхатидан четлатиш кераклигини ҳам айтишди.
«Шанба куни бўлган воқеа ҳақида кўп гапирилди. Мен контактни ҳис қилдим, аммо менинг реакциям анча бўрттирилган кўринади. Мен бу ерга масъулиятни ўз зиммамга олиш учун келдим. Энг кўп ҳафсаламни пир қилгани — четлатишдан кейин ўзимни қандай тутганим. Буни шунинг учун айтяпман: ҳар ким хато қилиши мумкин, лекин ҳар ким уни тан олиши ҳам шарт», — деди Бастони Sky Sportга.
Таъкидланишича, Италия ҳакамлиги раҳбарияти ушбу вазиятда рефери қарори хато бўлганини тан олган. Шунга қарамай, Кальюлю барибир жамоасининг навбатдаги учрашувини ўтказиб юборади.