«Бавария» Ким Мин Дже билан хайрлашишга тайёр
Мюнхеннинг «Бавария» клубида тўп сураётган марказий ҳимоячи Ким Мин Дже жамоани тарк этиши мумкин. Бу ҳақда euro-football.ru хабар беради.
Аввалроқ футболчига Англия Премер-лигасининг икки клуби қизиқиш билдираётгани ҳақида хабарлар тарқалган эди.
SPORT BILD маълумотига кўра, клуб спорт директори Макс Эберл ўтган ёздаёқ Ким Мин Дже атрофидагилaрга «Бавария» яхши таклиф тушса, футболчини сотишга тайёр эканини билдирган. Манбага кўра, клубнинг бу борадаги позицияси ҳозир ҳам ўзгармаган. Шунга қарамай, футболчининг ўзи Мюнхенда ўзини жуда қулай ҳис қилаётгани ва жамоа ичидаги ҳозирги ролини қабул қилаётгани таъкидланади.
Жорий мавсумда 29 ёшли жанубий кореялик ҳимоячи барча мусобақаларда 23 та учрашувда майдонга тушиб, 1 та гол урди ва 1 та голли узатмани амалга оширди.