Ди Мария Аргентинада танқид остида, уни симуляцияда айблашмоқда
Анхел ди Мария ватани Аргентинага қайтгач, дастлаб ижобий натижалар кўрсатди, бироқ кейинроқ атрофида кескин муҳит пайдо бўлди. Бу ҳолат кўпроқ унинг ўйинидан эмас, рақиблар ва мухлислар орасидаги норозиликдан келиб чиқмоқда: улар футболчини майдонда тез-тез ўзини йиқитгандек кўрсатишда айблаяпти. Бу ҳақда euro-football.ru хабар беради.
Аргентина чемпионати муҳокама қилинадиган форумларда «Нега ди Марияни ҳийлалар учун ҳеч қачон огоҳлантиришмайди», «Ди Мария юлдуз, лекин бу қилиқлари жонига тегди», «шундай даражадаги футболчи пеналти сўраб, бу қадар уялмасдан ҳаракат қилаётгани ачинарли» каби фикрлар кўпайган. Аввал «Манчестер Юнайтед» ва «Реал»да тўп сурган футболчи ҳозир «Росарио Сентрал» сафида майдонга тушмоқда.