Бубнов Россия терма жамоаси ҳозир керак эмас деб ҳисоблайди
Футбол эксперти Александр Бубнов Россия терма жамоасининг ҳозирги шароитдаги ўртоқлик учрашувлари ҳақида кескин фикр билдирди. Бу ҳақда euro-football.ru хабар беради.
Унинг айтишича, ҳозир терма жамоани йиғиш ва ўйинлар ўтказишнинг амалий фойдаси йўқ: расмий турнирларга қайтишга рухсат берилса ҳам, тайёргарлик кўриш учун камида икки йил вақт бўлади. Бубнов рейтинг масаласини ҳам аҳамиятсиз деб атади: унинг фикрича, Россия барибир кучсизлар қаторида қолади ва ўн поғона юқорилаш реал эмас. Бу фикрларни у «Komment.Shou» каналида айтди.
Экспертнинг қўшимча қилишича, ҳозир терма жамоада синаб кўрилаётган футболчиларнинг бир қисми рухсат берилган пайтда майдонга тушмаслиги ҳам мумкин. Бубнов РФУ йиғинлар ва ташкилий ишлар учун маблағни бекорга сарфлаётганини таъкидлаб, бу пулни болалар футболини ривожлантиришга йўналтириш маъқул эканини урғулади.