Иван Таранов Головиннинг кетма-кет четлатилишига изоҳ берди
Москвадаги ЦСКА собиқ футболчиси Иван Таранов «Монако» ярим ҳимоячиси Александр Головиннинг кетма-кет икки ўйинда майдондон четлатилиши ҳақида фикр билдирди. Бу ҳақда euro-football.ru хабар беради.
Тарановнинг айтишича, бундай ҳолатнинг аниқ сабабини топиш қийин, бироқ Головин жамоада анчадан бери ўйнаётгани сабаб айрим вазиятларда ўзини эркинроқ тутиб, чегарадан чиқиб кетаётгандек кўриниши мумкин.
Эслатиб ўтамиз, 29 ёшли россиялик футболчи «Монако» сафида 2018 йил ёзидан буён тўп тепиб келади.
Жорий мавсумда Головин француз клуби учун 2 та гол урди ва 5 та голли узатмани амалга оширди.