Дмитрий Сычёв Марселда яшаш жойини алмаштирганини эслaди
Ўтмишда машҳур бўлган футболчи Дмитрий Сычёв 2003-2004 йилларда Франсияда «Марсел» сафида тўп сурган. У ўша даврни ёдга олиб, шаҳардаги шов-шув сабаб яшаш жойини ўзгартиришга мажбур бўлганини айтди. Бу ҳақда euro-football.ru хабар беради.
Сычёвнинг сўзларига кўра, Марселда футболчиларга бўлган эътибор ҳаддан ташқари юқори бўлган: ҳатто оддий дўконга чиқиш ҳам муаммога айланган. «Маҳсулот олиш учун чиқсам, охир-оқибат 20-30 дақиқа суратга тушаман, шундан кейингина овқат танлайман. Жуда катта шов-шув эди», — дея унинг фикрларини «Спорт-Экспресс» келтиради.
Футболчининг таъкидлашича, ана шундай вазият туфайли у шаҳар ташқарисига кўчиб ўтган.
Дмитрий Сычёв «Марсел» таркибида барча мусобақаларда 44 та расмий учрашув ўтказиб, 7 та гол урган ва 1 та голли узатмани амалга оширган.