Флик де Йонгдан катта ўйинларда кескинликни оширишни сўради
«Барселона» бош мураббийи Ханс-Дитер Флик ярим ҳимоячи Френки де Йонгнинг ўйинидан мамнун. Немис мутахассиси нидерланд футболчисини жамоа марказидаги асосий фигурага тенг кўради. Бу ҳақда euro-football.ru хабар беради.
Шу билан бирга, Флик де Йонгдан айниқса муҳим учрашувларда янада юқори интенсивлик кўрсатишни сўраган. Мураббий фикрича, у вазиятларда кўпроқ таваккал қилиб, ҳужумларни кескинлаштиришга қодир. Бу ҳақда The Touchline нашри хабар берди.
Жорий мавсумда де Йонг барча мусобақаларда 30 та расмий ўйинда майдонга тушиб, 7 та голли узатма муаллифи бўлди.
«Барселона» чемпионат турнир жадвалида иккинчи ўринда бормоқда ва «Реал»дан 2 очко ортда. Каталонияликлар навбатдаги баҳсини 22-февраль куни «Леванте»га қарши ўтказади.
Аввалроқ Испанияда «Барселона» ярим ҳимоячиси де Йонгнинг ўйини танқид қилингани ҳам қайд этилганди.