Энтони Гордон «Ньюкасл»да Ширер рекордини янгилади
Англиялик ҳужумчи Энтони Гордон сафардa Озарбайжоннинг «Қарабоғ» жамоасига қарши ўйинда ҳақиқий шоу кўрсатди. У рақиб дарвозасини тўрт бор ишғол қилиб, жавоб баҳсини амалда расмиятчилик даражасига тушириб қўйди. Бу ҳақда euro-football.ru хабар беради.
Гордон бу натижа билан Чемпионлар лигасидаги рекордлардан бирини ҳам такрорлади ва шу билан бирга «Ньюкасл» учун Европанинг энг нуфузли клуб турнирида янги тарихий маррани белгилади.
Гап шундаки, у Чемпионлар лигасида «Ньюкасл» сафида урилган голлар сони бўйича Алан Ширерни ортда қолдирди: Ширер ҳисобида 7 та гол бор эди. Энди Гордон клубнинг ушбу турнирдaги якка етакчи тўпурарига айланди. Жавоб учрашуви келаси ҳафтада Англияда бўлиб ўтади.