Дмитрий Буликин Головиннинг кетма-кет қизил карточкаларини изоҳлади
Россия терма жамоасининг собиқ футболчиси Дмитрий Буликин «Монако» марказий ярим ҳимоячиси Александр Головиннинг сўнгги ўйинлардаги хатти-ҳаракатлари ҳақида фикр билдирди. Бу ҳақда euro-football.ru хабар беради.
Монаколиклар сардори кетма-кет икки учрашувда майдондан четлатилди: аввал Франция чемпионатида «Нант»га қарши баҳсда, кейин эса Чемпионлар лигасида «ПСЖ» билан ўйинда.
Буликиннинг айтишича, биринчи қизил карточка қўполлик учун эмас, балки Головиннинг доим курашда бўлгани ва тўпни тортиб олишга интилгани билан боғлиқ. Иккинчи эпизодни у кўрмаганини таъкидлади, бироқ Головиннинг ўйинга бўлган муносабати ўзгарганига ҳам ишонмаслигини қўшимча қилди.
Жорий мавсумда 29 ёшли ярим ҳимоячи 26 та учрашувда майдонга тушиб, 2 та гол урди ва 4 та голли узатмани амалга оширди.