Ди Мария Аргентинада симуляция айбловлари остида қолди
Анхел ди Мария ватанига қайтиб, дастлаб ижобий натижалар кўрсатди, бироқ тез орада унинг атрофида салбий фон кучайди. Бу ҳолат кўпроқ ўйин сифатида эмас, балки рақиблар ва мухлислар норозилигидан келиб чиқмоқда: улар футболчи майдонда тез-тез йиқилиб, эпизодларни бўрттиради, деб ҳисоблашмоқда. Бу ҳақда euro-football.ru хабар беради.
Аргентина чемпионатига бағишланган форумларда ди Мариянинг ҳаракатлари кескин муҳокама қилинмоқда. Айримлар уни "найранглари" учун нега огоҳлантириш берилмаслигини сўраса, бошқалар юлдуз футболчининг жарима зарбаси ёки пеналти ишлатиб олишга уриниши чидам бўлмас даражага етганини ёзмоқда. Ҳозирда собиқ "Манчестер Юнайтед" ва "Реал" футболчиси "Росарио Сентрал" сафида тўп сурмоқда.