«Ан-Наср» мураббийи Роналдуга дам берилганини маълум қилди
«Ан-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини тушунтириб берди. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар Лигаси доирасида «Аркадаг»га қарши ўйнайди. Португалиялик юлдуз ҳужумчи тез орада яна сафга қайтиши кутилаётганди, бироқ бу беллашувда ҳам у қайдномада бўлмайди.
«Жуда зич тақвим сабаб Роналду ва асосий таркибдаги яна бир нечта футболчига дам беришга қарор қилдик. Олдинда «Ал-Фатех»га қарши муҳим ўйин бор», — деди Жезуш. Унинг сўзларини Al Nassr Zone келтирди.
Мутахассиснинг таъкидлашича, Роналдуга дам берилиши кутилмаган ҳолат эмас: у Саудия Арабистонидан ташқарида ўтадиган айрим учрашувларда аввал ҳам иштирок этмаган.
Саудия чемпионатидаги «Ал-Фатех» — «Ан-Наср» учрашуви шанба, 14-февраль куни бўлиб ўтади.