Саудия Арабистонида фожеа: «Ал-Қадисия» футболчиси вафот этди
Саудия футболидан қайғули хабар: «Ал-Қадисия» сафида тўп суриб келган 16 ёшли ҳимоячи Турки Ал-Саед ҳаётдан кўз юмди. Бу ҳақда Саудия Арабистони футбол федерацияси расмий баёнот бериб, марҳум хотирасига некролог эълон қилди. Бу ҳақда euro-football.ru хабар беради.
«Ал-Қадисия» ҳозирда Саудия Арабистони футболининг иккинчи даражадаги лигасида иштирок этмоқда ва турнир жадвалида тўртинчи ўринни эгаллаб турибди. Жамоа таркибида аввал «Аталанта»да ўйнаган италиялик Матео Ретеги ҳам бор.
Ёш футболчининг вафот сабаби ҳозирча расман очиқланмади. Бироқ норасмий маълумотларга кўра, ҳодиса йўл-транспорт воқеаси оқибатида юз берган.