Слуцкий бошқарувидаги «Шанхай Шенхуа» гуруҳда ютқазиб якунлади
Осиё Чемпионлар лигасида «Шанхай Шенхуа» етти турдан кейин плей-оффга чиқиш имкониятини бой берганди. 8-турда Леонид Слуцкий жамоаси «Бурирам Юнайтед»га қарши ўйин орқали турнир билан хайрлашар экан, ҳеч бўлмаса сўнгги таассурот қолдиришни кўзлаган, бироқ бунга эриша олмади. Бу ҳақда euro-football.ru хабар беради.
Учрашув 0:2 ҳисобида тайландликлар фойдасига якунланди. «Бурирам Юнайтед» биринчи бўлимнинг бошидаёқ икки бор дарвозани ишғол қилди: 11-дақиқада Гуд Ко’ртис, 22-дақиқада эса Муэанта Супханат гол урди. Кўп ўтмай «Шанхай Шенхуа» бир ўйинчини йўқотиб, камчиликда қолгани интрига деярли барҳам топишига олиб келди.
Маълумот учун, Леонид Слуцкийнинг «Шанхай Шенхуа» билан амалдаги шартномаси 2027 йил охиригача мўлжалланган.