Егор Сорокин «Торино» билан келишувга жуда яқин бўлган
Аввал «Краснодар» сафида ўйнаган, яқинда эса Хитойнинг «Чэнду Жунчэн» клубига ўтган ҳимоячи Егор Сорокин «Торино»га амалга ошмай қолган трансфери ҳақида гапирди. Бу ҳақда euro-football.ru хабар беради.
30 ёшли футболчининг айтишича, у италияликлар билан узоқ вақт музокара олиб борган ва битим деярли якунига етиб келган.
«Торино»да Европа Иттифоқидан ташқаридаги футболчи учун битта бўш ўрин бор эди. Мен дарҳол Лондондан Италияга тиббий кўрикдан ўтиш учун учишга ҳам тайёр эдим. Аммо иш бунга етмади: сўнгги паллада «Торино» А Сериядан футболчини олди», — дея Сорокиннинг сўзларини Sport24 келтиради.
Сорокин 2024–2026 йилларда Қозоғистоннинг «Қайрат» клубида тўп сурди. Бу даврда у барча мусобақаларда 54 ўйинда майдонга тушиб, 2 та гол урди ва 2 та голли пас берди.