Дани Олмо «Барселона» финалга жуда яқин бўлганини айтди
«Барселона» ярим ҳимоячиси Дани Олмо Чемпионлар лигасидаги кураш ва жамоанинг асосий мақсадлари ҳақида фикр билдирди. Бу ҳақда euro-football.ru хабар беради.
Олмонинг таъкидлашича, ўтган мавсум каталонияликлар финалга чиқишга жуда яқин келган, бироқ ҳал қилувчи босқич қўлдан чиқиб кетган. Футболчи бу ҳолат жамоани янада кучлироқ руҳлантираётганини ва улар кубокни қўлга киритиш учун охиригача курашмоқчи эканини айтди.
Эслатиб ўтамиз, ўтган Чемпионлар лигасида «Барселона» ярим финалгача етиб борган ва унда Милан «Интер»ига қарши баҳсда мағлуб бўлган (3:3, 3:4).
Жорий мавсумда Ханс-Дитер Флик бошқарувидаги жамоа умумий босқични бешинчи ўринда якунлаб, тўғридан-тўғри 1/8 финал йўлланмасини қўлга киритди. «Барселона» саккиз турда 16 очко жамғарди.