Мактонэнай замонавий футболда қаттиқлик камайганини айтди
Шотландия терма жамоаси ва Италиянинг «Наполи» клуби ярим ҳимоячиси Скотт Мактонэнай сўнгги йилларда футбол қандай ўзгариб бораётгани ҳақида фикр билдирди. Бу ҳақда euro-football.ru хабар беради.
29 ёшли футболчининг таъкидлашича, ҳозир ўйин аввалгидан анча “юмшаб” кетган: у болалигида футболчиларни кучли босим билан, қаттиқроқ услубда ўйнашга ўргатишган, бугун эса энг кичик контакт ҳам сариқ карточкага сабаб бўлиши мумкин. Мактонэнай назаридa, замонавий футболда ҳаддан ташқари эҳтиёткорлик ва “сезгирлик” кўпайиб кетган. Унинг сўзларини Жанлука Ди Мартсио сайти келтирди.
Жорий мавсумда Мактонэнай барча турнирларда 34 учрашувда майдонга тушиб, 10 та гол урди ва 4 та голли узатма берди. Шунингдек, у икки бор огоҳлантирилди.