Слуцкийнинг «Shanghai Shenhua»и Осиё Чемпионлар лигасида мағлуб бўлди
«Shanghai Shenhua» Осиё Чемпионлар лигасида етти турдан сўнг плей-офф йўлланмаси учун курашиш имкониятини бой берганди. 8-турда Леонид Слуцкий жамоаси «Buriram United»га қарши ҳеч бўлмаганда турнир билан муносиб хайрлашишга уриниб кўрди, аммо бу сафар ҳам натижа чиқмади. Бу ҳақда euro-football.ru хабар беради.
Учрашув 0:2 ҳисобида тайландликлар фойдасига якунланди. «Buriram United» биринчи бўлимнинг дастлабки дақиқаларидаёқ икки бор рақиб дарвозасини ишғол қилди: 11-дақиқада Гуд Кертис ҳисобни очди, 22-дақиқада эса Муанта Супҳанат устунликни мустаҳкамлади. Орадан кўп ўтмай «Shanghai Shenhua» бир футболчига кам бўлиб қолди ва бу ўйиндаги интрига деярли сўнди.
Маълумот учун, Леонид Слуцкийнинг «Shanghai Shenhua» билан амалдаги шартномаси 2027 йил охиригача мўлжалланган.