Компани Моуринюнинг Винисиусга қилган эътирозларини қоралади
Чемпионлар лигасининг Лиссабондаги ўйини ортидан можароли вазият юзага келди: Винисиус Жуниор майдонда Жянлука Престианини уни ирқчиликда айблади. Бу ҳақда euro-football.ru хабар беради.
Учрашувдан кейин «Бенфика» бош мураббийи Жозе Моуриню клуб рамзларидан бири қора танли афсона Эйсебиу эканини эслатиб ўтди. Шунингдек, португалиялик мутахассис Винисиуснинг голни нисбатан провокацион тарзда нишонлаганини танқид қилиб, унинг бу чиқишига шама қилди.
«Бавария» устози Венсан Компани эса Моуринюнинг позициясини хато деб баҳолади. Унинг айтишича, Моуриню Винисиуснинг характерига зарба беришга уриниб, байрамона нишонлаш услубини рўкач қилган ва шу орқали футболчининг ўша пайтда айтган гапларини қадрсизлантирмоқчи бўлган — бу эса катта хато.
Компани Моуринюнинг Эйсебиу номини келтириб, «Бенфика»ни ирқчиликдан оқлашга уриниши ҳам нотўғри эканини таъкидлади: 1960-йилларда қора танли футболчилар қандай босимларни бошдан кечирганини унутмаслик кераклигини эслатди. У Моуриню ҳақида ёмон гап эшитмаганини, кўплаб футболчилар уни ҳурмат қилишини айтар экан, барибир бу сафар мутахассис янглишганини қўшиб ўтди.
«Бавария» шанба куни «Айнтрахт»ни қабул қилади.