Арбелоа Беллингем жароҳати юзасидан янгиланган маълумот берди
Мадриднинг «Реал» жамоаси бош мураббийи Альваро Арбелоа ярим ҳимоячи Жуд Беллингемнинг жароҳати ҳақида фикр билдирди. Бу ҳақда euro-football.ru хабар беради.
Англиялик футболчи «қироллик клуби» сафидаги сўнгги учта ўйинда майдонга туша олмади. Дастлаб у бир ой ичида қайтиши кутилганди, бироқ ҳозир тикланиш жараёни апрел ойигача чўзилиши мумкинлиги айтилмоқда.
«Жуд эртага соғлом бўлиши учун кўп нарсадан воз кечган бўлардим. У бизнинг етакчимиз, дунёдаги энг кучли лидерлардан бири. Шу билан бирга, у бўлмаган пайтда ҳам жамоамиз қанчалик рақобатбардош эканини кўриб хурсандман — бу жуда юқори даражадан далолат. Аммо имкони бўлса, Беллингемнинг тезроқ қайтиши учун ҳамма ишни қилардим», — деди Арбелоа матбуот анжуманида.
Шанба куни «Реал» Ла Лигада сафарда «Осунасуна»га қарши баҳс олиб боради.