Франк Лебо'ф «Марсел»даги мураббий алмашинуви ҳақида фикр билдирди
Франция терма жамоаси ва «Марсел»нинг собиқ ҳимоячиси Франк Лебо'ф клубда мураббийлар ўзгариши юзасидан муносабат билдирди. Италиялик Роберто Де Дзерби ўрнини сенегаллик мутахассис Ҳабиб Бейе эгаллади. Бу ҳақда euro-football.ru хабар беради.
«Ҳабибнинг келиши мен учун яхши ғоя, чунки у клубни ҳам, унинг ички ишлаш тизимини ҳам билади. У муваффақиятга эришадими? Ҳеч бўлмаганда, унинг мақсадга етиши учун етарли восита ва куч бор. Унинг қўшилгани яхши. Бош мураббий сифатида собиқ марселлик бўлиши — бу аъло», — деди Лебо'ф GFFN нашрига.
Ҳабиб Бейе футболчи сифатида «Марсел» сафида 2003–2007 йилларда тўп сурган. Шунингдек, у «ПСЖ»нинг заҳира жамоаси, «Страсбур» (у билан Франция Кубогини ютган), «Астон Вилла», «Донкастер» ва «Ньюкасл»да ҳам ўйнаган ҳамда «Ньюкасл»да бир мавсумнинг энг яхши футболчиси деб топилган. Мураббий сифатида эса «Ред Стар» ва «Нитстса» каби жамоаларда ишлаган.