Милан Берлусконининг клубни сотиб олган санасини эслатди
Италиянинг «Милан» клуби тарихидаги муҳим санани ёдга олди: 1986 йил 20 февраль куни, айнан 40 йил аввал Сильвио Берлускони жамоани сотиб олган ва шу билан клубнинг энг ёрқин даври бошланганди. Ўша пайтда «Милан» 80-йилларнинг биринчи ярмидаги жиддий инқироздан чиқишга уринаётган эди. Бу ҳақда euro-football.ru хабар беради.
Орадан кўп ўтмай, жамоа бошқаруви Арриго Сакки қўлига ўтди ва у клубдаги деярли ҳамма нарсани ўзгартирди. Берлускони даврида, қарийб 30 йил ичида «Милан» 29 та совринни қўлга киритди — улар орасида 8 та Скудетто ҳамда Чемпионлар кубоги ва кейинчалик Чемпионлар лигасида 5 та ғалаба бор.
Юбилей муносабати билан клуб афсонаси Паоло Малдини ҳам ижтимоий тармоқларда эслатиб ўтди. Малдини Берлускони «Милан»ни сотиб олган пайтда аллақачон жамоа сафида тўп сураётган эди.