«Брест» «Марсел»ни осон енгиб, навбатдаги зарбани берди
Франция чемпионатида «Марсел» топ-3дан бутунлай узоқлашиб кетиш хавфи остида қолди. «Оқ-кўклар» сафардa «Брест»га қарши суст ўйин кўрсатди ва омадсиз сериясини давом эттирди. Бу ҳақда euro-football.ru хабар беради.
Учрашувнинг 10-дақиқасидаёқ мезбонлар ҳисобни очди: ҳужум якунида Людовик Азорк «Брест»ни олдинга олиб чиқди. Орадан беш дақиқа ўтиб, у яна хавфли вазият яратди, бироқ тўпи дарвоза устунлари ёнидан ўтиб кетди. 29-дақиқада эса Азорк Уго Маньеттининг қанотдан узатмасини бош билан аниқ якунлаб, дубл қайд этди — 2:0.
«Брест» танаффусгача устунликни қўлдан бермади: Ромен дел Кастильонинг узатмасидан кейин Хуниор Диас бош билан бурчакка йўллаган зарбада сал қолди, кейин эса Эрик Эбимбе топиб берган пасдан сўнг Азорк тўпни тўсинга теккизди.
Иккинчи бўлим ўрталарида «Марсел» ниҳоят биринчи жиддий имкониятини яратди: Пьер-Эмерик Обамеянг қулай вазиятда зарба берди, аммо нишонга теккиролмади. Ўйин сўнгида Мейсон Гринвуд жарима майдонида йиқитилди ва пенальти белгиланди, бироқ дарвозабон унинг зарбасини қайтарди.
Натижада «Брест» 2:0 ҳисобида ғалаба қозониб, турнир жадвалида 10-ўринга кўтарилди. «Марсел» эса 4-поғонада қолди.