Казорла Ла Лигада ассист бўйича иккинчи энг ёши катта
Шанба куни «Реал Оведо» сафарда «Реал Сосйедад»дан кутилмаганда очко тортиб олди. Учрашув 3:3 ҳисобида якунланди. Бу ҳақда euro-football.ru хабар беради.
Баҳсда тажрибали ярим ҳимоячи Санти Казорла 41 ёш-у 70 кунлигида голга узатма бериб, Ла Лига XXI аср тарихида ёши катта ассистентлар рўйхатида иккинчи поғонага кўтарилди. Бу кўрсаткич бўйича ундан фақат Хоакин устун — у 41 ёш-у 298 кунлигида ассист қайд этган. Маълумотни Opta статистикалари келтирди.
Қайд этиш жоиз, «Реал Оведо» ҳозирча Испания чемпионати турнир жадвалида сўнгги ўринда бормоқда. Жамоа Ла Лигадаги навбатдаги ўйинини 28 февраль куни ўз майдонида «Атлетико»га қарши ўтказади.