Слуцкий бошчилигидаги Shanghai Shenhua ОЧЛда мағлубият билан якунлади
Осиё Чемпионлар лигасида етти турдан кейин “Shanghai Shenhua” плей-оффга чиқиш имкониятдан маҳрум бўлди. 8-турда Леонид Слуцкий жамоаси “Buriram United”га қарши ўйинда турнир билан хайрлашишдан олдин сўнгги бор ўз сўзини айтишга уриниб кўрди, бироқ уддалай олмади. Бу ҳақда euro-football.ru хабар беради.
Учрашувда Таиланд клуби 2:0 ҳисобида ғалаба қозонди. “Buriram United” биринчи бўлимнинг дастлабки дақиқаларида кетма-кет икки бор рақиб дарвозасини ишғол қилди ва тез орада “Shanghai Shenhua” бир футболчидан айрилгач, ўйиндаги интрига деярли сўнди.
Маълумот учун, Леонид Слуцкийнинг “Shanghai Shenhua” билан амалдаги шартномаси 2027 йил якунигача мўлжалланган.