«Бока Хуниорс» клуби янги спорт директорини тайинлади
Аргентинанинг «Бока Хуниорс» клуби спорт директори лавозимига Марсело Делгадо тайинланганини расман маълум қилди. У клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтиришга эҳтиёж сезмоқда ва энди Делгадо ҳамда Рикелме дуэти трансферлар ва селекция масалаларида фаол иш олиб бориши кутилмоқда.
Делгадо футболчилик фаолиятида ҳам ном қозонган: у 1995–2002 йиллар оралиғида Аргентина терма жамоаси сафида 18 учрашув ўтказган, жумладан 1998 йилги жаҳон чемпионатида ҳам майдонга тушган.
2003 йилда эса у Либертадорес кубогининг энг яхши тўпурари бўлган — бу натижани «Сантос» ҳужумчиси бразилиялик Рикардо Оливейра билан бирга қайд этган.