Жаҳон чемпиони Гётсе Роналду жамоасига ўтишга тайёр
Франкфуртнинг «Айнтрахт» клубида тўп сураётган ҳужумкор ярим ҳимоячи Марио Гётсе Германия чемпионатини тарк этиб, Саудия Арабистонига йўл олиш эҳтимолини истисно қилмади. Бу ҳақда euro-football.ru хабар беради.
Футболчининг айтишича, агар «Ал-Наср»дан таклиф тушса, у бу вариантни жиддий кўриб чиқади. Гётсе бу жамоада Криштиану Роналду ҳам ўйнаётганини эслатиб, гап фақат битта клубда эмас, балки Саудия чемпионатининг қанчалик тез ривожланаётганида эканини таъкидлади.
Маълумот учун, Гётсе ва «Айнтрахт» ўртасидаги амалдаги шартнома 2026 йил июнь ойи охиригача мўлжалланган.
Жорий мавсумда у Франкфурт жамоаси сафида 25 учрашувда қатнашиб, 2 та голли узатма муаллифи бўлди.