Анчелотти Роналдунинг тикланиш ҳақидаги гапини эслди
Бразилия терма жамоаси бош мураббийи Карло Анчелотти Криштиану Роналду ҳақида фикр билдирди. Бу ҳақда euro-football.ru хабар беради.
Мутахассиснинг айтишича, у ишлаган футболчилар орасида Роналду энг профессионалларидан бири. Анчелотти португалиялик юлдуз бир сафар унга: «Ҳаддан ташқари кўп сув ўсимликни ҳам нобуд қилади», деганини эслди. Мураббий футбол жисмоний жиҳатдан катта талаб қўйишини, бироқ тикланиш жараёни ҳал қилувчи аҳамиятга эгалигини таъкидлади. Унинг фикрича, жароҳатларнинг катта қисми айнан ортиқча юклама сабаб юзага келади.
41 ёшли Криштиану Роналду ҳозир Саудия Арабистонининг «Ал-Наср» клубида тўп сурмоқда. Португалиялик ҳужумчининг амалдаги шартномаси 2027 йилнинг ўрталаригача мўлжалланган. Роналду фаолияти давомида «Олтин тўп»ни беш бор қўлга киритган.