Кавани ҳуштакбозлик остида қолди, «Бока»даги келажаги сўроқ остида

Уругвайлик ҳужумчи Эдинсон Кавани «Бока Хуниорс»ни тарк этиши мумкин. Гап шундаки, бу қарор унинг ўз хоҳишидан кўра кўпроқ клуб ва мухлислар босими билан боғлиқ кўринмоқда: Каванининг ўйини кўнгилдагидек чиқмаяпти ва трибуналар тобора кўпроқ норозилик билдирмоқда. Бу ҳақда euro-football.ru хабар беради.

Сўнгги учрашувда у алмаштирилган пайтда ҳам стадионда ҳуштаклар янгради. «Матадор» майдонни тарк этар экан, мухлисларнинг кескин ҳуштакбозлиги унинг номига яна бир бор босим кучайганини кўрсатди.

Алмаштириш эса натижани ўзгартирмади: «Бока» «Платенсе» дарвозасини ишғол қила олмади ва баҳс 0:0 ҳисобида якунланди. Шундан сўнг Аргентина ОАВ Каванининг шартномасини узайтириш борасидаги истиқболларни жуда эҳтиёткорона баҳоламоқда.

Бундан ташқари, клуб парагвайлик Адам Барейрони ҳам сафига қўшиб олди. Кўпчилик айнан у 39 ёшли тажрибали футболчини асосий таркибдан сиқиб чиқариши мумкинлигини кутмоқда.