Галатасарайда маошлар кечикмоқда, клуб ичида таранглик кучайди
Коньяспор билан кутилмаган мағлубиятдан сўнг, Галатасарай атрофида клуб ичидаги муаммолар ҳақида гап-сўзлар кўпайди. TR24 хабарига кўра, жамоа футболчилари маошларини вақтида ололмаяпти. Бу ҳақда euro-football.ru хабар беради.
Манбага ишонилса, бу ҳолат кетма-кет уч ой давом этмоқда. Клубнинг расмий вакиллари мавзуга оид изоҳ беришдан тийилаётгани эса ОАВ ва мухлислар қизиқишини янада оширяпти.
Маҳаллий журналист Холик Юрекли сўнгги воқеалар фонида Галатасарайнинг чемпионлик имкониятлари жиддий савол остида қолаётганини таъкидлади.
Ҳозирча жамоа чемпионатда 55 очко билан пешқадам, бироқ захирада битта ўйини бор Фенербахче (52 очко) уни қувиб етиши мумкин.