Каванининг «Бока»даги келажаги сўроқ остида қолди
Уругвайлик ҳужумчи Эдинсон Кавани «Бока Хуниорс»ни тарк этиши мумкин — бу унинг шахсий хоҳишидан кўра, вазият тақозоси билан «ихтиёрий-мажбурий» кўриниш олмоқда. Сўнгги ўйинларда унинг чиқиши мухлисларни қониқтирмаяпти ва трибуналар тобора кўпроқ норозилик билдираётганини яширмаяпти. Бу ҳақда euro-football.ru хабар беради.
Навбатдаги ўйинда Кавани алмаштирилган пайт ҳам шундай бўлди: «Матадор» майдонни тарк этаркан, уни ҳуштакбозлик кузатиб қўйди. Алмаштириш эса натижага таъсир қилмади — «Бока» «Платенсе» дарвозасини ишғол қила олмади ва учрашув 0:0 ҳисобида якунланди.
Шундан сўнг Аргентинадаги ОАВ Каванининг шартномасини узайтириш борасидаги эҳтимолларни жуда эҳтиёткорлик билан баҳоламоқда. Бунга қўшимча равишда, клуб парагвайлик Адам Барейрони ҳам таркибга қўшиб олди ва кўпчилик унинг 39 ёшли тажрибали футболчини асосий таркибдан сиқиб чиқаришини кутмоқда.