Галатасарайда маошлар кечикмоқда, клубда ички муаммо бор
Коньяспорга кутилмаган мағлубиятдан сўнг, Галатасарай ичида жиддий муаммолар юзага келгани ҳақида хабарлар тарқалди. TR24 порталига кўра, жамоа футболчилари маошларини ололмаяпти. Бу ҳақда euro-football.ru хабар беради.
Манба маълумотига кўра, бу ҳолат уч ойдан бери давом этмоқда. Клубнинг расмий вакиллари эса вазият бўйича изоҳ бермаётгани ОАВ ва мухлислар қизиқишини янада оширмоқда.
Маҳаллий журналист Ҳалик Юрекли сўнгги воқеалар фонида Галатасарайнинг чемпионлик имкониятлари жуда шубҳали кўриниш олганини таъкидлади.
Шунга қарамай, жамоа чемпионатда 55 очко билан пешқадам бўлиб турибди. Бироқ 52 очкоси ва захирада битта ўйини бор Фенербахче рақибига етиб олиш имконига эга.