Россияда ўзбекистонлик эркак бола 7 қаватдан қулаётганда уни ушлаб қолди

Россиянинг Санкт-Петербург шаҳридаги Петроза водская кўчасида 7 ёшли бола уйнинг еттинчи қавати карнизига чиқиб қолган. Қўшнилар уни хонага қайтишга чақирган, аммо бола жавоб бермаган.

Орадан бир неча сония ўтиб, у мувозанатни йўқотган ҳолда пастга қулаган. Воқеа жойида бўлганлар бу ҳолатни қўрқув билан кузатгани айтилмоқда.

Шу пайт уй олдида ишлаб турган, Ўзбекистонда туғилган Хайрулло исмли эркак очиқ дераза ёнида болани аввалроқ пайқаган. У бола ташқарига чиқмоқчи бўлаётганини англаб, яқинлашиб вазиятни назорат қила бошлаган.

Хабарга кўра, бола боши билан пастга қулаётган маҳалда Хайрулло уни ҳавода ушлаб қолган. У болани бағрига босиб, зарбанинг оғирлигини камайтиришга эришган.

Шундан сўнг у болани кўп қаватли уй йўлагига олиб кирган. Қўшнилар тез ёрдам чақиргунча, Хайрулло болани ҳушига келтириш учун ҳаракат қилган.

Маълум қилинишича, бола тирик қолган ва ҳозир реанимация бўлимида. Шифокорлар унинг аҳволини барқарор деб баҳолаган.

Хайрулло ҳам енгил тан жароҳатлари олган, бироқ оғир шикастлар қайд этилмаган. Воқеа ижтимоий тармоқларда ҳам кенг муҳокама қилинмоқда.