ПСЖ Сенни Меюлу билан 2030 йилгача шартномани узайтирмоқчи
Парижнинг ПСЖ клуби ярим ҳимоячи Сенни Меюлу билан ҳамкорликни узоқ муддатга мустаҳкамлаш ниятида. Инсайдер Фабрис Хокинс ҳисоботига таянган ҳолда тарқалган хабарларга кўра, клуб раҳбарияти 19 ёшли футболчига 2030 йилгача мўлжалланган янги шартнома таклиф қилмоқчи. Бу ҳақда euro-football.ru хабар беради.
Иқтидорли франсуз футболчисига Европанинг бир қатор клублари қизиқиш билдирганига қарамай, у ҳозирча ПСЖни тарк этиш ҳақида ўйламаяпти.
Аввалроқ ПСЖ ярим ҳимоячи Жоау Невеш, ҳужумчи Усмон Дембеле ва вингер Бредли Баркола билан ҳам шартномаларни узайтириш устида ишлаётгани ҳақида хабарлар чиққанди.
Жорий мавсумда Луис Энрике қўл остидаги жамоада Меюлу 28 учрашувда 4 та гол урди ва 5 та голли пас муаллифи бўлди.