«Бенфика» Престианнининг «Реал»га қарши дисквалификациясига муносабат билдирди
Европа футбол уюшмалари иттифоқи (УЕФА) Жанлука Престианни ва Винисиус Жуниор ўртасидаги можарони ўрганишда давом этмоқда. «Реал» футболчиси «Бенфика» вакилини ирқчиликда айблаган, дастлабки хулосаларга кўра эса Престианни томонидан камситувчи хатти-ҳаракат бўлгани қайд этилган. Бу ҳақда euro-football.ru хабар беради.
Текширув якунга етмаганига қарамай, УЕФА аргентиналик футболчини вақтинча бир ўйинга четлатди. Шундан сўнг «Бенфика» расмий баёнот билан чиқди.
Клуб УЕФАдан Престианнининг дисквалификацияси бўйича хабарнома олганини ва ушбу қарор устидан шикоят киритмоқчи эканини маълум қилди. Бироқ муддатлар қисқалиги сабаб бу жараён «Реал»га қарши жавоб учрашувига амалда таъсир қилмаслиги мумкин.
«Бенфика» баёнотида, шунингдек, клуб ирқчилик ва камситишнинг барча кўринишларига қарши кураш тамойилларига содиқ эканини ҳам таъкидлади.
«Реал» ва «Бенфика» ўртасидаги жавоб ўйини 25 февраль куни бўлиб ўтади. Лиссабондаги илк баҳсда мадридликлар 1:0 ҳисобида ғалаба қозонган.